2011ko JAIALDIA. ETB TDTn

JAILADIA DBH 2. ETB TDTn

          Jaialdia baino bi aste lehenago hasi ginen prestaketa lanetan gure antzerkia aurrera ateratzeko. Abendiaren 1ean zehazki.Ideia argi izan baino lehenago hainbat ideia proposatu genituen: Herriari eskainitako abestia abestea dantzari eta txalapartariak sartuz, kurtso hasierako musikala egitea, mimoen musikala egitea, urte amaierako programazioa eta ETB TDTn izateko aldarrikapena egitea. Hasiera batean, lehen ideiarekin hasi ginen, baina azkenean hainbat bozketa egin ondoren,  azken ideia aukeratu genuen. Beraz, hasieratik hasi eta proposamen berriari ekin genion denen proposamen eta ideiak kontuan hartuta.

          Antzerkitxoaren paperak banatzeko, lehenik eta behin, Erkudenek jaialdian zeuden pertsonai guztiak zehaztu zituen. Izan ere, 26 garenez denak parte hartzeko modua aurkitu behar baitzen. Gero, bakoitzari egin nahi zuen papera galdetu ondoren, denen artean ados jarri ginen.

           Esan bezala, gure helburua Nafarroan ETB TDTn jartzeko aldarrikapena egitea zen. Hori jaialdiko azken bertsoetan batez ere  adierazi genuen.

TDT jarri ziguten eta

ETB itzali zen zast!

Disney txanel ta CLAN ikustera

Hola aldatu ginen erraz

Guk betizukin egin nahi dugu

Pozik irri eta jolas

Gure hizkuntza da euskara eta

Bizi nahi dugu euskaraz

Trumoi zikinak altxatu ziren

eta eguraldi iluna

Guri etb kendu ziguten

ez da batere txukuna

Telebistakin edo ta gabe

iritsiko da eguna

Denon artean egingo dugu

Nafarroa euskalduna.

          Abenduaren 17an, 15:45etan, guztiak gelan geunden. Batzuk etxetik jantzita eta makilatuta etorri ziren, baina gehienak gelan bertan edo kumunetan prestatu ginen. Ondoren, entsaio txiki bat egin genuen gela barruan, nerbioak kentzen joateko. Eta gainera, gure gelakide baten amak argazkiak atera eta grabatu ere egin gintuen. Halako batean, irakaslea atetik sartu eta berri txar bat eman zigun: Musika eta aurkezpena ez zihoazela. Oso urduri jarri ginen denak eta berehala, teknikari lanetan zebiltzan bi ikasle gora igo ziren irakaslearekin batera. Zorionez, berehala konpondu zuten arazoa eta azkenean, gure txanda iritxi zen!         Oraindik oso urduri geunden. Frontoira hurbiltzen ginen heinean jendearen ahotsak entzuten genituen.

TELE 5n emititzen den LA NORIA programaren abestiarekin batera hasi zen gure jaialdia.Minutuak igaro eta ikaskide guztiak gure paperean sartu ondoren, bukatu zen gure momentua. Publikoaren txalo eta oihuak entzutean BUFFF egin genuen guztiok antzezlana ondo atera zela konturatzean.

Hauxe izan zen gure jaialdiak eman zuen guztia.